Dod â straeon Roma yn fyw yng Nghasnewydd, De Cymru

Bydd y prosiect yn annog mwy o ymwybyddiaeth gyhoeddus o ffordd o fyw Roma a'i threftadaeth unigryw. Daw i ben gydag arddangosfa deithiol a fydd yn ymweld â Theatr Glan yr Afon yng Nghasnewydd, Oriel Arts Central yn y Barri ac Amgueddfa Werin Cymru Sain Ffagan ar gyrion Caerdydd.

Casglu hanes personol a threftadaeth gymunedol

Bydd dau aelod o staff yn cael eu cyflogi a'u hyfforddi i gofnodi hanes llafar a chyfanswm o 30 o straeon unigolion, 300 o ffotograffau a 30 o arteffactau Roma yn cael eu casglu.

Mae hon yn astudiaeth bwysig sy’n rhoi llais i’r gymuned Roma yng Nghymru.

Dr Aleksandar G. Marinov, ôl-ddoethuriaeth, cymrawd ymchwil yn yr Ysgol Hanes, Prifysgol St Andrews, yr Alban

Bydd y prosiect yn gweithio gydag amrywiaeth o bartneriaid lleol i ymgysylltu â'r gymuned Roma.

Dywedodd Dr Aleksandar G. Marinov, sy'n Roma o Fwlgaria: “Rwy’n falch iawn o glywed am ddyfarniad y grant hwn gan Gronfa Dreftadaeth y Loteri Genedlaethol.

"Yn yr hinsawdd bresennol o ansicrwydd ac argyfwng, rhaid inni fod yn ymwybodol bod cymunedau ar y cyrion mewn perygl o fynd yn fwy ymylol fyth a chael y blaen. Mae’r astudiaeth bwysig hon yn rhoi llais i’r gymuned Roma yng Nghymru.”