The Woodland Investment Grant (TWIG)
Caiff y cyllid yn cael ei ddefnyddio i wella llwybrau troed ac ychwanegu meinciau a byrddau gwybodaeth. Mae'r prosiect hwn yn gobeithio cyrraedd pobl nad ydynt yn mynd allan i fyd natur ar hyn o bryd trwy alluogi mynediad i fwy o bobl i wneud y mwyaf o'r coetir.
Bydd gwelliannau i waliau ffin hefyd a bydd gwaith yn cael ei wneud ar ardal gwlyptir Parc y Moch i hybu bioamrywiaeth y coetir.
Mae'r cynlluniau hefyd yn cynnwys gwneud mynedfa'r safle yn fwy croesawgar drwy ychwanegu giât bren newydd a gosod rac beiciau i annog beicio.
Mae gweithgareddau cymunedol wedi bod ar y safle ers 2021. Bydd y prosiect yn adeiladu ar y llwyddiant hwn trwy gynnal diwrnodau, hyfforddiant a digwyddiadau gwirfoddoli rheolaidd newydd.
Dywedodd Harri Pickering, Cwmni Buddsoddi Cymunedol Parc y Moch: "Gyda'r grant hwn, byddwn yn gwella mynediad i'r coetiroedd a'r seilwaith cyffredinol, sy'n golygu y gallwn barhau i ddatblygu Parc y Moch fel gofod i'r gymuned ei ddefnyddio a'i fwynhau.
"Bydd cynnal digwyddiadau cymunedol a gweithgareddau cyfnewid sgiliau yn help mawr i ddod â phobl i'r gofod fel y gallant ddod i'w adnabod. Mae hwn yn gam mawr arall tuag at gael y gymuned leol i ailgysylltu â natur."
Mae’r cynllun grant Grant Buddsoddi mewn Coetir (TWIG) yn rhan o raglen Coedwig Genedlaethol i Gymru Llywodraeth Cymru.
Ariannwch eich prosiect coetir
Darganfyddwch fwy am sut y gall cyllid Grant Buddsoddi mewn Coetir eich helpu i greu, adfer a gwella coetiroedd yng Nghymru.
