Data ar gyfer Lleoedd Treftadaeth – dadansoddiad newydd gan ddefnyddio’r Mynegai Treftadaeth
| Atodiad | Maint |
|---|---|
| Data for Heritage Places — executive summary | 150.08 KB |
| Data for Heritage Places — methodology | 495.02 KB |
| Data for Heritage Places — England | 383.72 KB |
| Data for Heritage Places — Northern Ireland | 75.88 KB |
| Data for Heritage Places — Scotland | 110.31 KB |
| Data for Heritage Places — Wales | 93.5 KB |
| Data for Heritage Places - place analysis mapping of measures | 508.12 KB |
Yn ein strategaeth 10 mlynedd newydd, Treftadaeth 2033, rydym yn disgrifio sut y byddwn yn helpu i drawsnewid treftadaeth drwy ein menter lle strategol.
Bydd Lleoedd Treftadaeth yn rhoi treftadaeth wrth wraidd dulliau lleol i roi hwb i falchder mewn lle, adfywio economïau lleol a gwella cysylltiad pobl â'r lleoedd y maent yn byw ac yn gweithio ynddynt ac yn ymweld â nhw.
Dros y deng mlynedd nesaf, byddwn yn buddsoddi £200miliwn i gefnogi 20 o leoedd ar draws y DU. Heddiw (8 Hydref 2023), rydym wedi cyhoeddi'r naw cyntaf:
- Stoke on Trent (Canolbarth a Dwyrain Lloegr)
- Caerlŷr (Canolbarth a Dwyrain Lloegr)
- Swydd Durham (Gogledd Lloegr)
- Gogledd-ddwyrain Swydd Lincoln (Gogledd Lloegr)
- Torbay (Llundain a De Lloegr)
- Medway (Llundain a De Lloegr)
- Glasgow (Yr Alban)
- Dinas Armagh, Banbridge a Craigavon (Gogledd Iwerddon)
- Castell-nedd Port Talbot (Cymru)
Ar y dudalen hon ac yn yr adroddiadau atodedig, rydym yn manylu ar y dadansoddiad meintiol a'r wybodaeth leol (ffactorau ansoddol) a gefnogodd ddewis y lleoedd hyn a dyluniad y fenter strategol.
Fframwaith newydd ar gyfer lle a threftadaeth
Mae ein fframwaith Lleoedd Treftadaeth yn seiliedig ar dair egwyddor i nodi lleoliadau lle gallai ein buddsoddiad gael yr effaith gryfaf:
- Angen: lleoedd sydd â threftadaeth mewn perygl o gael ei cholli, ei difrodi neu ei hesgeuluso, lle mae diffyg capasiti yn y sector ac mae’r gymuned yn wynebu heriau lluosog.
- Cyfle: ffactorau lleol, megis digwyddiadau ac ariannu, a all weithredu fel lluosyddion ar gyfer buddsoddi ac effaith.
- Potensial: ansawdd a math o dreftadaeth, profiad blaenorol a seilwaith, sy'n gwneud llwyddiant ac effaith yn fwy tebygol.
Ffactorau meintiol
Roedd y data a ddadansoddwyd gennym yn cynnwys:
- Mynegai Treftadaeth diwygiedig Cymdeithas Frenhinol y Celfyddydau (RSA) (sy'n nodi angen)
- Mynegeion Amddifadedd Lluosog (sy'n nodi angen)
- buddsoddiad blaenorol y Gronfa Treftadaeth (sy'n nodi angen)
- buddsoddiadau seiliedig ar le eraill (sy'n nodi cyfleoedd)
Trwy ddadansoddi angen yn feintiol roedd modd i ni greu rhestr fer o’r 374 o ardaloedd awdurdod lleol ar draws y DU er mwyn i'n timau lleol ddadansoddi’r potensial a’r cyfleoedd yn fanylach. Yna cytunodd ein chwe phwyllgor a'n Bwrdd Ymddiriedolwyr ar y dewis terfynol o leoedd ar gyfer ymyrraeth strategol wedi’i thargedu dros oes Treftadaeth 2033.
Mwy o wybodaeth
Dysgu mwy am sut y bydd Treftadaeth 2033 yn helpu sicrhau y caiff treftadaeth ei gwerthfawrogi a'i chynnal ac y gofalir amdani ar gyfer pawb yn y dyfodol.
Rydym yn cynnal ymchwil yn rheolaidd i ddarganfod beth sy'n digwydd yn y sector treftadaeth, ac yn gwerthuso ein gwaith i ddeall yn well y newid yr ydym yn ei wneud. Darllen mwy o'n mewnwelediad.
