Rydym am ariannu prosiectau sy'n helpu adfer y lleoedd arbennig hyn, helpu pobl i ymgysylltu â threftadaeth naturiol a gwella cynefinoedd ar gyfer byd natur.

Gan ddefnyddio arian a godwyd gan chwaraewyr y Loteri Genedlaethol, rydym yn dosbarthu grantiau rhwng £10,000 a £10miliwn i gefnogi prosiectau treftadaeth ar draws y DU.

Gallai ein hariannu eich helpu chi i:

• warchod adeileddau hanesyddol neu ail-greu nodweddion coll
• helpu gerddi hanesyddol i wella eu bioamrywiaeth
• adfer mynwentydd hanesyddol gan gynnwys atgyweirio henebion rhestredig a helpu pobl i werthfawrogi eu hanes
• helpu dathlu a chodi ymwybyddiaeth o ddylunwyr gerddi
• darparu hyfforddiant a phrentisiaethau mewn sgiliau garddwriaethol treftadaeth
• helpu pobl i adnabod, cofnodi a dysgu am erddi hanesyddol

Rydym wedi ariannu amrywiaeth o brosiectau i achub gerddi a mynwentydd hanesyddol y DU gan gynnwys:

• Florence Court, Gogledd Iwerddon – adfer gardd lysiau o'r 1930au ar yr ystâd wledig hon
• Sheffield General Cemetery, De Swydd Efrog – un o'r enghreifftiau mwyaf cyflawn o fynwent ardd yn y DU
• Gerddi'r Ymddiriedolaeth Genedlaethol – gwaith ar y cyd gyda Sense i helpu pobl ag anableddau i gysylltu â byd natur 
• South Cliff Gardens, Gogledd Swydd Efrog – adfer y gerddi arfordirol 200 oed i'w hen ogoniant
• Gerddi Botaneg Belfast a Chaeredin
• Gerddi Botaneg Cenedlaethol Cymru a Kew yn Llundain

Pethau allweddol i'w darllen

• Ein canllaw i gynaliadwyedd amgylcheddol 
• Mynnwch gip ar fwy o brosiectau gerddi yr ydym wedi eu hariannu yn ddiweddar