Amgueddfeydd, llyfrgelloedd ac archifdai
Archwilio yn Amgueddfa Genedlaethol Caerdydd. Llun gan: Paul Harris
Mae amgueddfeydd, llyfrgelloedd ac archifdai yn adrodd straeon ein treftadaeth ddiwylliannol. Drwy'r gwrthrychau, y casgliadau, y ffilmiau, y dogfennau a'r hanesion llafar y maen nhw’n eu cadw maen nhw’n helpu i roi ymdeimlad o le a hunaniaeth i ni.
Diolch i chwaraewyr y Loteri Genedlaethol, ers 1994 rydym wedi dyfarnu £2.4bn i 5,900 o brosiectau amgueddfeydd, llyfrgelloedd, archifau a chasgliadau ledled y DU.
Casgliadau Dynamig
Mae ein hymgyrch Casgliadau Dynamig yn cefnogi sefydliadau casglu ledled y DU i ddod yn fwy cynhwysol a gwydn, gan ganolbwyntio ar ymgysylltu, ail-ddehongli a rheoli casgliadau.
Mae'n dwyn ynghyd gyllid prosiect drwy ein rhaglenni agored, adnoddau digidol a rhannu gwybodaeth.
Darganfyddwch fwy am Gasgliadau Dynamig.
Beth rydym yn ei gefnogi?
Mae ein cyllid yn cefnogi sefydliadau mawr a bach, gan gynnwys:
- amgueddfeydd, llyfrgelloedd ac archifdai cenedlaethol ac awdurdodau lleol
- llyfrgelloedd hanesyddol
- archifau cymunedol
- sefydliadau sydd â chasgliadau treftadaeth
Syniadau am brosiect
Gall ein cyllid helpu pobl i:
- adfywio adeiladau a darparu cyfleusterau newydd pwrpasol
- creu arddangosfa newydd a gofodau dysgu cyffrous
- adnewyddu llyfrgelloedd, archifau ac orielau arbenigol
- denu cynulleidfaoedd mwy amrywiol
- dehongli ac agor caffaeliadau
- datblygu casgliadau
Am ragor o ysbrydoliaeth, gweler y straeon isod neu porwch drwy brosiectau rydym wedi'u hariannu.
Sut i gael arian