Mae casgliadau'n helpu i ddod â straeon niferus pobl a chymunedau ledled y DU yn fyw.

Yn y Gronfa Treftadaeth, rydym am gefnogi amgueddfeydd, llyfrgelloedd, archifau a sefydliadau eraill i wneud y gorau o'u casgliadau. 

Bydd ein hymgyrch Casgliadau Dynamig yn cefnogi sefydliadau casglu drwy ddod â chyllid prosiect at ei gilydd drwy ein rhaglenni agored, adnoddau digidol a rhannu gwybodaeth.

Fe'i cynlluniwyd i fynd i'r afael â heriau hirdymor yn y sector, y mae llawer ohonynt wedi'u gwaethygu gan bandemig y coronafeirws (COVID-19). Bydd hefyd yn helpu sefydliadau i adeiladu ar syniadau a thueddiadau arloesol a ddatblygwyd dros y blynyddoedd diwethaf, yn enwedig o ran ymgysylltu digidol.

Mae'r ymgyrch hefyd yn gweithredu ar y galw am gasgliadau i esblygu i ddiwallu anghenion newidiol y cymunedau o'u cwmpas, ac i adlewyrchu mwy o hanes a phrofiadau pobl. 

Cynhwysol, gwydn, esblygol

Bydd Casgliad Dynamig yn:

• cael ei ddefnyddio gan, ac yn ystyrlon i, ystod ehangach o bobl
• galluogi gwahanol safbwyntiau i gael eu clywed ac amrywiaeth o straeon i gael eu hadrodd
• cael ei reoli a'i adolygu'n weithredol

Cadw mewn cysylltiad

Cofrestrwch i'n cylchlythyr am y newyddion diweddaraf am gasgliadau a straeon ysbrydoledig o bob rhan o'r DU.

Eisiau cynnal prosiect Casgliadau Dynamig?